WASIKUN QAUNA
wasika don duburwarka ta nesa Ina son kasancewa a tare da ke na tsawan rayuwata fiye da yadda matafiyi ke buƙatar ruwa a tsakiyar sahara, fiye da yadda gangar jiki mai numfashi ke buƙatar iska, fiye da yadda tsirrai ke buƙatar hasken rana. Ina son ki tun daga babin farko na labarin rayuwata har zuwa ƙarshe. Na yi kewar rashin kasancewar ki a kusa da ni. Ki Huta Lafiya. Duk da muna nesa da juna ina iya fahimtar yanayin da kike ciki na farin-ciki ko damuwa, ina iya jiyo bugun numfashinki a cikin zuciyata, ina iya jiyo sautin murmushinki a cikin kunnuwana. Hakan na nuna ƙarfin tasirin sonki ne a cikin jikina. Ke ce mahaɗin rayuwata. Ina Son Ki. Fatana a ce nan da watarana mu kasance tare a sabuwar rayuwa a matsayin mata da miji, har ya kasance mun mallaki 'ya'ya da zamu rayu tare da su cikin farin-ciki. Burina ki kasance a tare da ni har ƙarshen rayuwa domin samun tarin kulawar da na tanadar miki a gidan aurena . Ina Son Ki.